CPD-RDTL LA HAKIDUK XANANA LA HALIMAR

• Written by  Tempo Semanal
• Thursday, 07 March 2013 18:42

(2 votes)

Natar ne'ebe CPD-RDTL halo kuda on a no haree mak buras on a ne'e. Ema hodi ain deit maka sama no rai ne'ebe uluk duut ho soko maka nakonu ohin bele haree haree maibe sira ba halo natar iha ne'ebe la iha koordenasaun ho autoridade lokal no komunidade sira nunee komunidade tuur maka haree no autoridade sira lamenta

Konselho dos Ministru semana ruma kotuk aprova on a resolusaun ida ne'ebe foo mandatu ba PNTL hodi hurlele CPD-RDTL wainhira sira la husik hela natar no toos ne'ebe sira halo iha Fatuberlihu. Desizaun ne'e hola wainhira PM Xanana sei ha;a'o hela vizita ba estranjeiru ne'ebe hamosu espekulasaun oioin iha komunidade ninia kakutak maibe PM IV Governu nian ne'e haforca desizaun husi konselho dos ministru hodi dehan nia la halimar ho CPD-RDTL.

"Se temi baze de apoiu, ha'u mos iha baze de apoiu. Atu temi reorganizasaun de luta, ha'u mak reorganiza, ne'ebe lalika lalika. Ho ha'u lalika halimar," Xanana bolu atensaun ba organizasaun ne'ebe dala barak dehan defende restaurasaun total ba RDTL inklui konstituisaun ho leis ne'ebe halo on a iha 1975.

Xefe do governu ne'e, informa katak ninia parte hato'o ona ba presidenti da Republika kona ba desizaun ne'ebe governu foti hodi hasai membru CPD-RDTL husi welaluhu.

"Ha'u dehan ba Presidenti da Republika katak sei hasai sira husi fatin ne'eba. Sei la oho, sei bo'ok (mas) sira sai husi ne'eba," Xanana promete.

Membru CPD-RDTL husi distritu lubun ruma maka halo koncentrasaun bo'ot iha Welaluhu hahu husi fin ano 2012 ne'ebe konsege fila rai mamuk luan bo'ot ida sai natar ho total hektares sanolu resin on a no haree moris buras ona. Maibe Parte balun iha welaluhu hamutuk ho autoridade sira nafatin rejeita presenza CPD RDTL iha fatin refere nune'e Konselho dos Ministru aprova ona resolusaun hodi buka meus hasai CPD husi fatin ne'eba no tuir PM Xanana katak governu sei sosa resultadu haree husi CPD ne'e.

"Ami harii ona komisaun ida atu estuda, atu haree took, halo kalko ida katak iha ne'eba sei sai tonelada hira, estadu sei sosa," Xanana promete.

CPD-RDTL sempre reklama ba estadu no governu atu restaurasaun total ba simbolu nasaun no konstituisaun RDTL 1975 maibe Xanana foo hanoin mos ba CPD-RDTL katak eis lider maximu resistencia ne'e mos uluk hola parte iha membru komite central FRETILIN maibe nia labele reklama katak nia maka sai fundador ba partidu refere.

"Ha'u uluk FRETILIN, ha'u uluk membru Komite Central FRETILIN. Ha'u nungka reklama ha'u fundador, ha'u labele. Se dehan katak ha'u kontinua, duru, ha'u bele simu. Ha'u nungka bele dehan katak ha'u maka diresaun superior (hahu) husi 1974, la'e, ha'u tama ikus," eis komandante das FALINTIL ne'e relembra.

Iha parte seluk liu konferencia da emprensa iha sede CPD-RDTL Balide dili (06/03), lian nain CPD-RDTL, Gill Ferdes, dehan sira sei la sai husi Fatuberlihu tan ba rai no sei la hakiduk husi fatin halo natar no toos ba maske iha on a desizaun husi Konselho dos Ministru no PNTL daudaun ne'e cerku metin fatin ne'ebe sira hodi halo natar ba. Tan ba tuir Gill katak sira nnia atividades agrikula hala'o iha rai ne'ebe tama kategoria rai estadu no sira la okupa komunidade ninia rain no fatin refere nakonu ho tohu maka CPD sira lere mos.

"Desizaun ne'e la favorese ba Timor Leste ninia independencia ekonomia no kontra iniciativa RDTL ninia soberania ekonomia no halakon dependencia husi rai liur," dehan Gill.

CPD-RDTL husu ba PM ho Presidenti da Republika atu hapara operasaun PNTL iha welaluhu no CPD mos alega katak PNTL halo torturasaun ba sira nia membru.

"Hola medidas de suspensaun imediata ba membru polisia ne'ebe hala'o agresaun fisika hasoru veteranus sira iha Welaluhu," Gill Alves hateten.

Maibe antes ne'e tir reportajen TVTL monstra katak komandante PNTL longuinhos Monterira rezeita alegasaun ne'ebe dehan PNTL sira halo torurasaun ba membru CPD-RDTL. Longuinhos Monsteiro ne'ebe kontrata husi IV Governu RDTL iha tinan ruma kotuk tuir loloos ninia mandatu remata ona iha fulan Marco tinan 2013  ne'e rekuinese katak PNTL kaptura duni membru CPD-RDTL sira maibe la PNTL la halo torturasaun hasoru membru CPD sira.

Last modified on Thursday, 07 March 2013 23:34

Read 575 times